Танловда таниқли ва ёш хонандалар, композитор ҳамда бастакорлар тинчлик ва гўзаллик, меҳр-оқибат ва муҳаббат ғояларини, инсон қадрини улуғлайдиган, юксак ватанпарварлик туйғуларини тараннум этадиган янги мусиқий асарлари билан иштирок этишлари мумкин.
Танлов учун тайёрлаган ижод намуналарингизни «Ўзбекконцерт» давлат муассасасининг «@uzbekkonsert_navruz» телеграм ботига юборинг.
Танловда ғолиб бўлган санъаткор ва ижрочилар мамлакатимизда ўтказиладиган нуфузли байрам тантаналарида иштирок этиш ҳамда қуйидаги пул мукофотларини қўлга киритиш имкониятига эга бўлишади:
1-ўрин учун 50 млн. сўм,
2-ўрин учун 40 млн. сўм,
3-ўрин учун 30 млн. сўм.
Аризалар жорий йилнинг 1 февралидан 20 февралига қадар қабул қилинади.
Танлов ғолиблари 2023 йилнинг 10 март куни эълон қилинади.
Қўшимча маълумотларни (95) 194-23-23 телефон рақами орқали олишингиз мумкин.
Ўз истеъдод ва маҳоратингизни намоён этиб, Наврўзнинг кўрки ва тароватини оширишга, гўзал байрамимизни янада мазмунли ўтказишга ҳисса қўшинг!