Луксорда, мисрлик археологлар 3400 йилдан ортиқ ёшдаги қум остидаги шаҳарни топдилар. Шаҳар топилиши 1922 йили фиръавн Тутанхамоннинг дафн хонаси топилганидан бери мамлакатнинг энг муҳим археологик кашфиёти эканлиги таъкидланмоқда.
Таниқли мисршунос олим Заха Хаваснинг сўзларига кўра, тадқиқотлар бошланганидан сўнг ғиштдан қурилган бинолар кўринди. Ҳозир шаҳарнинг кўлами аниқ. Бинолар баландлиги 3 метргача бўлган.
– У жуда яхши ҳолатда сақланган. Уйларнинг девори деярли бузилмасдан қолган ва хоналар идиш-товоқ билан тўла. Гўё аҳоли ҳамма нарсани қолдириб, бу ерни шунчаки тарк этган, – дейди олим.