15 июндан 19 июнгача бўлган давр иш ҳақи сақланган ҳолда ишдан ҳоли кунлар деб эълон қилинди. Ушбу муддатда ташкилотлар ва якка тартибдаги тадбиркорлар учун дам олиш кунлардагидек иш тартиби жорий этилади.
Шундай қилиб, Москвада «узайтирилган дам олиш кунлари» тўққиз кун давом этади — 12 июндан 20 июнгача.
Шунингдек, 13 июндан 23 июнгача ҳайвонот боғларининг, фудкортларнинг, болалар ўйин хоналарининг фаолияти вақтинча тўхтатилади. Бар, кафе ва тунги клублар мазкур даврда кўнгил очар тадбирларини ўтказа олмайди, ҳамда соат 23:00дан 06:00гача келувчиларни қабул қила олмайди (буюртма қабул қилиш ва етказиб беришга рухсат).
Яқинда пойтахтда 6 701та COVID-19 ҳолати аниқланди. Бир кун аввал тезкор штаб январь ойидан бери энг кўп кўрсаткични рўйхатга олганди, деб хабар беради РИА Новости.