Сумалак кечасида Москва Халқаро аёллар клуби аъзолари, жумладан, Беларус, Бельгия, Бразилия, Бруней, Дания, Италия, Люксембург, Россия, Словакия, Таиланд, Туркманистон, Туркия, Франция, Жанубий Корея, Япония вакиллари, шунингдек, Европа Кенгашининг Дастурлар ваколатхонаси вакиллари иштирок этди.
Кеча меҳмонлари маданий гуруҳлар томонидан тайёрланган ўзбек халқ миллий рақслари, мусиқа ва қўшиқларидан иборат концерт дастури намойишидан баҳраманд бўлди.
Шунингдек, меҳмонлар сумалакни тайёрлаш жараёнида бевосита иштирок этиш имкониятига эга бўлди. Шу билан бирга, ўзбекистонлик ошпаз шоҳона миллий таомимиз - палов тайёрлаш сирлари ҳақида ҳам батафсил маълумотлар берди.
Кечада миллий либослар, матолар ҳамда ўзбек ипаги маҳсулотлари кўргазмаси ҳам намойиш этилди, деб хабар беради «Дунё» АА.
