«Хавфсиз маршрут» йўналиши бўйича Марказий , Тошкент, Шарқий ҳамда Жануби-ғарбий махсус ҳарбий округи ўзаро беллашаётган бўлса, «Муҳандислик формуласи» бўйича эса, Марказий, Шарқий ҳамда Жануби-ғарбий махсус ҳарбий округи жамоалари иштирок этишмоқда.

«Хавфсиз маршрут» мусобақаси низомига асосан жамоалар тўрт ҳисобда беллашувларни амалга оширишмоқда. Бунда МРД (муҳандислик разведка дозори ҳисоби, муҳандислик разведка ишларини амалга оширади), «ТММ-3» (оғир механизациялаштирилган кўприк ҳисоби, кўприк ўрнатади), «БАТ-2» ҳисоби (колонна йўлларини қайта тиклаш ишларини олиб боради), «ИМР-2» ҳисоби (вайроналарни бартараф этиб йўлак очади).

«Муҳандислик формуласи» мусобақасида ҳарбий хизматчилар 6 та техника билан 3 километр бўлган ҳалқа йўлагида эстафета тарзида ҳаракатланиб, техникаларнинг хусусияти бўйича вазифалар бажаради, деб хабар беради Мудофаа вазирлиги матбуот хизмати.