Халқаро бокс федерацияси - IBF Муроджон Аҳмадалиев ва Марлон Тапалес жангига расман буйруқ берди ва уларга музокаралар учун 25 октябрга қадар муддат белгилади.
Филиппинлик Марлон Тапалес профессионал рингда 39 та жанг ўтказган ва уларнинг атиги учтасида мағлуб бўлган. Аҳмадалиев эса 11 та жанг ўтказиб, уларнинг барчасида ғалаба қозонган. Жанг ҳамюртимизнинг IBF камари учун бўлиб ўтади.
Аввалроқ, Тапалес Аҳмадалиев билан шу йилнинг ўзидаёқ жанг қилмоқчи экани ҳақида хабарлар тарқалган эди.
