— Куни-кеча хайрия тадбирларимизнинг биринчи босқичи якунланланди, — дейди фонд вилоят бўлим бошқаруви раиси А.Мукаррамов. — Биринчи босқичда кам таъминланган, боқувчисини йўқотган ва ногиронлиги бор 130 оилага беғараз ёрдам кўрсатдик. Айни кунларда вилоят бўйича яна 200 оиланинг рўйхати шакллантирилган. Рамазон ҳайити арафасида уларга ҳам моддий кўмак ажратиш ниятидамиз.
Таъкидлаш керак, фонд республика бошқаруви топшириғига асосан жойларда кам таъминланган оилалар ҳолидан хабар олиб, уларга моддий ва маънавий кўмак кўрсатилмоқда. Хайрияга муҳтож оилалар эса маҳалла фаоллари, маҳаллаларда хизмат кўрсатаётган ҳоким ёрдамчилари ва сектор раҳбарлари билан ҳамкорликда аниқланмоқда.
“Маҳалла” фонди
матбуот хизмати