Фуқароларни биометрик идентификация қилиш (Face-ID) орқали нақд шаклда пенсияларни тўлаш жараёнлари бошланди.

Жорий йилнинг октябрь ойидан бошлаб ҳудудларда пенсияларни нақд пул шаклида тўлаш фуқароларни биометрик идентификация қилиш (Face-ID) ҳамда уларнинг имзосини электрон шаклда олиш орқали амалга оширилиши бошланди. Бу ҳақда Пенсия жамғармаси Матбуот хизмати хабар қилди.

Ушбу тизимни жорий этишдан кўзланган мақсад — пенсияларни фуқароларга тўлиқ ва ўз вақтида етказиш.

Эндиликда тўлов жараёнида бўлиши мумкин бўлган Халқ банки томонидан ҳисоботларда «тўланди» деб ҳисобот берилиб, амалда фуқарога тўланмаслик ёки бошқа шахсларга тўлаб юбориш ҳолатлари олди олинади.