Янги суратда муз гигантининг ҳалқалари, унинг 27 та сунъий йўлдоши аниқроқ акс этган.
Катта суратда Ураннинг бешта катта йўлдоши Ариэль, Миранда, Оберон, Титания ва Умбриэлни кўриш мумкин.
Олимларнинг фикрича, ҳалқа тизимидан ташқари Ураннинг тўғридан-тўғри Ер ва Қуёшга қараган шимолий қутб “қалпоғи” ҳам алоҳида эътиборни тортади. Қутб “қалпоғи”нинг марказида қоронғу ҳалқа билан ўралган ёрқин нуқта бор. Астрономлар бу “қалпоқ”ни аввал ҳам кўришган, бироқ у биринчи марта ана шундай аниқроқ деталлари билан “кўриниш берди”, деб хабар беради korrespondent.net.
