Куз-қиш мавсумига тайёргарлик кўриш мақсадида ўтказилган таъмирлаш тадбирлари давомида 12-қозоннинг экран қувурлари тўлиқ янгиланди, буғ пакет қувурлари алмаштирилди, қозон механизмлари, арматуралари жорий таъмирдан чиқарилди. Шунингдек, 12-турбина генераторининг юқори, ўрта ва паст босимли цилиндрлари, подшипниклари капитал таъмирдан ўтказилди, блокда мавжуд бўлган барча насослар тўлиқ таъмирланди, деб хабар беради Энергетика вазирлиги матбуот хизмати «Иссиқлик электр станциялари» АЖ маълумотига таяниб.
– Якунланган капитал таъмирдан кўзланган асосий мақсад – энергоблокнинг актив қувватини номинал қийматгача етказиш ҳамда электр энергияси ишлаб чиқариш учун ёқилғи сарфини камайтиришдан иборат, – дейди қозон турбина цехи бошлиғи Х.Хушвақтов.