Маълум қилинишича, бугун штаб аъзолари ҳамда тегишли масъуллар иштирокида йиғилиш ўтказилиб, мазкур йўналишда олиб борилаётган ишларни мувофиқлаштириш юзасидан мутасаддиларга топшириқ ва кўрсатмалар берилган.
Таъкидлаш жоизки, “ёшлар дафтари”га ҳар бир сектор ҳудуди кесимида истиқомат қилаётган, 18 ёшга тўлган ва 30 ёшдан ошмаган, “аёллар дафтари”га эса 30 ёшдан ошган ижтимоий, ҳуқуқий, психологик қўллаб-қувватлашга, билим ва касб ўрганишга, бандлигини таъминлашга эҳтиёжи ва иштиёқи бўлган ишсиз ёшлар, хотин-қизлар киритилади.
Йиғилишда уйма-уй юриш орқали ёшлар ва аёллар билан бирма-бир мулоқот қилиб, уларнинг эҳтиёжларини, қизиқишларини аниқлаб, бу борада анкета сўровномасида қайд этиб бориш юзасидан аниқ йўналишлар белгилаб берилган.