«One Million Uzbek Coders» лойиҳаси доирасида ҳар йили uzbekcoders.uz платформаси орқали курсларни муваффақиятли якунлаган давлат умумтаълим мактаблари «Информатика ва ахборот технологиялари» фани ўқитувчилари учун танлов эълон қилинади.
Топ-100 талик рўйхатига кирган ҳар бир ўқитувчига 4 900 000 сўм пул мукофоти берилади.
Анъанага кўра навоийлик ўқитувчилар бу сафар ҳам биринчиликни қўлга киритишди.
Рўйхатга кўра вилоят бўйича Зарафшон шаҳридан 7 нафар, Навоий шаҳридан 6, Учқудуқ туманидан 4, Навбаҳор туманидан 3, Қизилтепа ва Кармана туманларидан 1 нафардан ғолиблар шоҳсупага кўтарилган, деб хабар беради Навоий вилоят ҳокимлиги матбуот хизмати.
