Жумладан, ўтган 2 ойда экспорт режаси 100%га бажарилиб, 101 333 000 долларлик маҳсулот экспорти амалга оширилди.
Маҳсулотлар кесимида оладиган бўлсак 6 889 тонна мис маҳсулотлари, 5 235 тона рух маҳсулотлари хорижлик импортёрларга юборилган.
Бундан ташқари, рений, молибден маҳсулотлари экспортида ҳам белгиланган режалар бажарилган.
Маълумот ўрнида айтиш мумкинки ОКМК маҳсулотлари асосан Туркия, Россия Федерацияси, Беларусь, Қозоғистон, Болгария, Озарбайжон, Қирғизистон, Украина, Польша, Тожикистон, Индонезия, Нидерландия, Хитой, Туркманистон, Афғонистон каби давлатларга экспорт қилиняпти. Шунингдек, янги бозорлар ҳам ўзлаштириляпти. Испания, Австрия, Германия, Финляндия, Канада, Жанубий Африка Республикаси ва Сенегал, Суринам, Кения, Австралия, Литва, Грузия, Португалия, Марокаш ва Сингапур каби давлатларга ҳам комбинат маҳсулотлари юборилган, деб хабар беради Олмалиқ кон-металлургия комбинати матбуот хизмати.