Унда қайд этилишича нафас қисиши ўлим хавфини олти бараварга ошириб юбориши мумкин.
Тадқиқотда госпиталга ётқизилган 10 мингга яқин ёши катта беморлар иштирок этган. Ҳамширалар кунига икки марта беморлардан нафас сиқиши даражасини 0 дан 10 гача шкала бўйича баҳолашни сўрашган. Икки йил давомида тўпланган маълумотлар таҳлили шуни кўрсатдики, бу борадаги кўрсаткичлар қанчалик юқори бўлса ўлим хавфи, реанимация бўлимига ўтказиш ёки шошилинч тиббий ёрдам чақириш эҳтимоли ҳам шунча ортади.
Касалхонадан жавоб беришган, лекин нафас қисиши сақланиб қолган беморларнинг тўртдан бир қисми ярим йил давомида вафот этган. Қолган беморларда эса бу кўрсаткич 7 фоизни ташкил этган холос.
Олимлар аниқлашига кўра, нафас сиқиши дастлабки физиологик сигнал бўлиб, бу организимга кислород етишмаслиги ва у карбонат ангидрид газини чиқариб юборишни тўлиқ уддалай олмаётганини билдиради. Тадқиқотчилар, бундай белги пульс, қон босими ва иситмадан кўра камроқ эътиборга молик ҳолат эмас.
Муаллифлар нафас сиқишини баҳолаш усулини стандарт ҳаётий кўрсаткичлар тўпламига киритишни таклиф этишмоқда. Бу борадаги сўров бир дақиқадан камроқ вақтни олади, лекин бемор ҳолати ёмонлашганини ўз вақтида англашга ёрдам бергани ҳолда унинг ҳаётини сақлаб қолиш мумкин, дея ёзади, lenta.ru интернет нашри.
