Бир миллиондан ортиқ одамнинг генетик тестларини таҳлил қилгандан сўнг, тадқиқотчилар умр кўриш давомийлиги учун масъул бўлган геномнинг айрим қисмларини аниқлашди.
Қариш – бу ҳар бир одамда турлича намоён бўладиган индивидуал жараён. Баъзи одамлар генетик жиҳатдан тез қарийди, бошқаларида бу секин кечади. Нима учун бу содир бўлади деган саволга ҳали ҳам аниқ жавоб йўқ бўлса-да, Эдинбург университети олимлари соғлом қариш ва узоқ умр кўриш билан боғлиқ ДНК ҳудудлари қондаги темир алмашинуви билан боғлиқлигини аниқлашди. Турли мамлакатларда ўтказилган кўплаб тадқиқотлар шуни тасдиқлайдики, организмда темир миқдорининг бузилиши нафақат камқонликка, балки ёшга боғлиқ баъзи касалликларга, масалан, Паркинсон касаллиги, иммунитет ва жигар фаолиятининг заифлашишига олиб келади.
Экспертларнинг фикрича, дунёда 3,6 миллиард одамнинг организмида яширин темир танқислиги бор, уларнинг ҳар иккисидан бири темир танқислиги билан боғлиқ камқонлигидан азият чекади, бу дунё аҳолисининг тахминан 25 фоизини ташкил қилади.
Танадаги темир танқислиги умумий заифлик, чарчоқ, иш самарадорлиги ва диққатнинг пасайиши, кундузи уйқучанлик, инфекциялар ва шамоллашларга мойилликнинг кучайиши, оёқ-қўлларнинг совиши, сочнинг кўп тўкилиши, терининг қуруқлиги ва рангсизланиши, гастритнинг кучайиши каби салбий ҳолатларга олиб келади, деб хабар беради mir24.tv.
