Ўзбекистон Республикаси Қишлоқ хўжалиги вазирлиги ҳузуридаги Академик Маҳмуд Мирзаев номли боғдорчилик, узумчилик ва виночилик илмий-тадқиқот институтининг олимлари қорағат ўсимлигининг янги навларини яратиш, унинг селекцияси, агротехникасини такомиллаштириш бўйича тадқиқот ишлари олиб бормоқда.
Изланишлар натижасида, олтинсимон қорағатнинг янги 3 та навига: “Узбекская сладкая”, “Ойдин” ва “Ёдгор”га патент олинди. Бу навлар юқори ҳосилдорлиги, ташишга лаёқатлилиги, чидамлилиги, инсон саломатлиги учун зарур бўлган макро ва микроэлементларга бойлиги билан ажралиб туради.
Қорағатни феврал ойининг охири-март ойи бошидан ўсув даври бошланади. У апрелнинг биринчи ўн кунлигида гуллай бошлайди. Олтинсимон қорағат эрта ҳосил берадиган ўсимлик, у экилгандан сўнг иккинчи йили ҳосилга киради.