Тошкент вилояти Экология назорат инспекцияси ходимлари томонидан жорий йилнинг 15 сентябрь куни ўтказилган назорат тадбирлари давомида ноқонуний ов қуролларидан фойдаланиш ҳолатлари аниқланди. Чиноз тумани “Эски Тошкент” маҳалласи, Турсуной Охунова ҳудудидан оқиб ўтувчи Чирчиқ дарёси атрофида фуқаролар Х.Ж ва Т.У лар ана шундай ўқотор қурол ёрдамида 2 та ўрдак ҳамда 4 та каптар овлагани маълум бўлди.
Фуқаролар ўз ҳатти-ҳаракатлари учун 5 йилгача овчилик қилишдан маҳрум қилиниб, уларга тегишли бўлган ов қуроллари белгиланган тартибда Чиноз тумани ИИБга сақлаш учун топширилди.
Ҳолат юзасидан тўпланган ҳужжатлар қонуний қарор қабул қилиш учун жиноят ишлари бўйича судга юборилган.
