Москванинг “Спартак” клуби эгаси Леонид Федун кеча “Спартак” – “Сочи” жамоалари ўйинидан сўнг шундай фикрни билдирди. Федуннинг айтишича, ўйиндаги ҳисоб ҳакамлар томонидан олдиндан ҳал қилиб қўйилган. “Эртагаёқ чемпионатдан чиқиб кетишимизни эълон қиламан. Яхшиси бизсиз ўйнаверишсин. Мен бунақа масхарабозликда иштирок этишни истамайман. Бунинг учун пул сарфламоқчи ҳам эмасман. “Спартак” бу турнир учун керак эмасми, майли керак эмас”, деди у “Матч ТВ” эфирида.

Маълумот учун айтиш лозимки, учрашувни ҳужумкор бошлаган москваликлар Алексадр Соболев ва Жордан Ларсоннинг голлари ҳисобига олдинга чиқиб олган эди. Меҳмонлар эса 15 ва 90-дақиқада пенальтидан иккита гол уриб мағлубиятдан қутилиб қолишди. Баҳс якунидаги шубҳали пенальти мезбонлар раҳбарининг норозилигига сабаб бўлди.

Эслатиб ўтамиз, “Спартик” яқинда “Уфа” клубидан ҳамюртимиз Остон Ўриновни сотиб олган эди.