ХХ асрнинг 70 йилларида Москва тарихи музейи Марказий Осиёга экспедиция жўнатди. Экспедиция доирасида атоқли маданият арбобларининг ёдгорлик буюмлари тўпланди. Шу тариқа музейга Ўзбекистон халқ ёзувчиси Ойбекка (1905 - 1968) тегишли буюмлар келиб тушди.
Ҳозир музейда Ойбекка 60 йиллиги муносабати билан совға қилинган парча чопон сақланмоқда. У ипак ва зар иплар билан безатилган.
Музейнинг яна бир нодир экспонати таниқли ўзбек актрисаси Тамарахонимнинг концерт либосидир. Хонатласдан тикилган кўйлак устида калта енгсиз йўл-йўл беқасам нимча ҳам бор. Актриса ушбу либосни 1930 йилларда Самарқанд мусиқали драма театрида ишлаган пайтида кийган.
