Экспортни қўллаб-қувватлаш эса иқтисодий тараққиётни таъминлашнинг муҳим омилларидан бири экани барчага аён. Бу жараёнда суғурта хизматларини кўрсатиш ҳам муносиб ўринга эга.

Бугунги кунда “Ўзагросуғурта” АЖ томонидан экспорт фаолияти билан шуғулланаётган кўплаб тадбиркорлар турли қалтисликлардан суғуртавий ҳимояга олиниб, суғурта ҳодисалари юзасидан зарарлар тўлаб берилмоқда.

Хусусан, Нишон туманида жойлашган “Ойдин чарм экспорт” хусусий корхонаси билан “Экспорт контрактларини сиёсий ва тижорат таваккалчиликларидан комплекс суғурта қилиш” шартномасига кўра салкам 90 миллион сўмлик суғурта қопламаси амалга оширилди.

Маълум бўлишича, корхона Белорус Республикасида фаолият юритувчи якка тартибдаги тадбиркорга 9 минг АҚШ долларидан кўпроқ оқ карам маҳсулотини экспорт қилади. Бироқ “Ойдин чарм экспорт” ХК ҳисоб рақамига мазкур экспорт шартномаси бўйича атиги 500 АҚШ доллари келиб тушган холос.

“Ўзагросуғурта” АЖ томонидан мазкур суғурта шартномаси, унинг тижорат рисклари бўйича тегишли ҳужжатларни ўрганилиб, ушбу ҳолат суғурта ҳодисаси деб тан олинди.

Экспортга кўмаклашиш ва уни рағбатлантириш, экспорт фаолиятини молиялаштириш ва суғурта ҳимояси механизмларининг кенгайтирилиши экспортбоп маҳсулотлар сони ошиши билан бирга соҳада янги иш ўринларининг ортишига ҳам хизмат қилади.

“Ўзагросуғурта” АЖ матбуот хизмати