Гейгель туманининг Ашаги Зурнобод, Шаҳрияр, Керемли ва Топалгасанли қишлоқларига сел келди. Уларга яқин ҳудудда жойлашган Ганжа шаҳрининг тўрт нафар фуқаросини сув оқими олиб кетди. Икки киши қутқарилди, икки эркакнинг жасади эрталаб дарёдан топилди.
Сел уйларни вайрон қилган, томорқаларга, экинларга, бешта автомобилга зарар етказган. Фавқулодда вазиятлар вазирлигининг техникалари ва бошқа хизматлар жабрланган аҳоли пунктларида иш олиб бормоқда.
Мутахассислар томонидан газ ва электр таъминоти тикланди, қишлоқларни туташтирувчи йўл тозаланди. Автотранспорт ҳаракати тикланди, деб хабар беради mir24.tv.
