Нуфузли мусобақада жаҳоннинг 61та давлатидан жами 399 нафар ёш атлет ғолиблик учун супачага чиқишди. Жаҳон кубогида Ўзбекистон шарафини 7 нафар атлетимиз ҳимоя қилди.

Бунгача вакилларимиздан Нигора Абдуллаева (-55 кг) ҳамда Хусенбой Матрасуловлар (-55 кг) ўз вазн тоифаларида олтин, Нигора Сувонова (-71 кг) кумуш, Хожиакбар Олимов эса (-81 кг) бронза медалларига сазовор бўлишганди.

Ўсмирлар ўртасида онлайн Жаҳон кубогининг сўнгги кунида яна бир спортчимиз, -96 кг вазн тоифасида Қурбонмурод Номозов умумий 320 кг натижа кўрсатиб, мутлақ ғолибликни қўлга киритди. У энг яқин таъқибчиси, туркиялик Эмре Озтуркни 15 килога ортда қолдирди.

Спортчимизнинг бу ғалабаси Ўзбекистон Республикаси Давлат байроғи қабул қилинганининг 29 йиллигига муносиб туҳфа бўлди.