Учрашувда Ўзбекистон ва Ўмон ўртасида турли соҳалардаги муносабатларни янада ривожлантириш, икки мамлакатнинг парламентлараро алоқаларини мустаҳкамлаш масалалари муҳокама этилди.
Мулоқот чоғида Янги Ўзбекистонни барпо этиш борасида мамлакатда амалга оширилаётган кенг кўламли ишлар, конституциявий ислоҳотнинг бориши ҳақида маълумотлар берилди.
Музокарада икки давлатни умумий маданият, дин, анъана ва маънавий қадриятлар бирлаштириб туриши, ўзаро манфаатли муносабатларни изчил мустаҳкамлашдан иккала томон ҳам бирдек манфаатдор экани таъкидланди.
Ўмон султонлиги иқтисодиёт вазири жаҳонда Ўзбекистоннинг халқаро нуфузи тобора ортиб бораётганини таъкидлаб, уни Марказий Осиё минтақасида асосий ҳамкор давлат сифатида кўрилишини маълум қилди. Шу нуқтаи-назардан Ўмон иқтисодиёт, қишлоқ хўжалиги, инновациялар, туризм ва бошқа соҳаларда икки томонлама муносабатларини янада фаоллаштириш тарафдори эканлигини алоҳида қайд этиб ўтди.
Суҳбат давомида мамлакатлар ўртасида савдо-иқтисодий ҳамкорликни кучайтириш, саноат кооперациясини йўлга қўйиш ҳамда инвестиция лойиҳаларини биргаликда амалга ошириш юзасидан фикр алмашилди, деб хабар беради Ўзбекистон Республикаси Олий Мажлис Сенати матбуот хизмати.