Маълумки, жорий йилнинг 21 январь куни футбол бўйича Ўзбекистон миллий жамоаси Япония билан ўртоқлик учрашуви ўтказиши керак эди. Бироқ эпидемиологик вазият сабабли ушбу ўйин қолдирилди. ЎФA томонидан жамоамиз учун ушбу муддатга бошқа рақиб топиш ишлари олиб борилди. Натижада, клублар билан ўйнаш вариантлари юзага келди.

Хуллас, мамлакатимиз терма жамоаси 23 январь куни Бирлашган Aраб Aмирликларининг “Aл-Ваҳда” клуби билан назорат учрашуви ўтказадиган бўлди. Бу учрашувдан мақсад йиғинга чақирилган бир қанча ёш футболчилар, маҳаллий клублар вакилларига миллий жамоада ўйин амалиётини тақдим этиш.

Сречко Катанец шогирдларининг 2022 йилги режа бўйича иккинчи учрашуви – Янги Зеландияга қарши баҳс 1 февраль куни Дубайда ўтказилади.