Маданият ва туризм вазирининг биринчи ўринбосари Улуғбек Aъзамов бошчилигидаги делегация вазирлик мутасаддилари, “Milliy PR-markazi” DUK, “Uzbekistan Airways” AJ, “Silk Road Samarkand” xalqaro sayyohlik markazi, O‘zbekiston sayyohlik kompaniyalari, jumladan, “Compass”, “Creative Tours”, “Peopletravel”, “Asia Tour Elit”, “Asia Advetures”, “Euroasia Travel”, “Central Asia Travel”, “Marakand Travel”, “Sezam Travel” va “Silk Road travel” ходимларидан иборат.
“ITB Berlin” туризм кўргазмасида доимий иштирок этиб келувчи Ўзбекистон стендида мамлакатимиз миллий анъаналари, урф-одат ва маросимлари маданий чиқишлар орқали намойиш етилди.
Шу билан бирга, кўргазманинг биринчи кунидаёқ мамлакатимизнинг расмий вакиллари юртимиз туризм салоҳиятини хорижда кенг оммалаштириш ва туристлар оқими кўпайтириш юзасидан бизнес учрашувлар ўтказишди.
“BBC news” телеканали, Aвстралиянинг “Lonely Planet” нашрлар компанияси, Кореянинг “Curious Korea” саёҳат компанияси, Германиянинг “Travel Dudes.com” медиа компанияси ва “Amedeus” IT компанияси, Туркманистоннинг “Pearl of Asia” саёҳат компанияси, Саудия Aрабистонининг “Saudi International Travel Company” саёҳат компанияси, шунингдек, Ҳиндистоннинг “ОТМ” кўргазмаси ҳамда “Indian Railway Catering & Tourism Corporation Ltd” туризм корпорацияси вакиллари билан учрашувлар ташкил қилиниб, ҳамкорлик шартномалари имзоланди.
"Ўзбекистонда бир неча бор бўлганман. Туризм инфратузилмаси, инвестиция борасида ҳам яхши ўзгаришларни кўряпман. Ўйлайманки, ҳозир мамлакат ўз инвестицияларини туризм соҳасига йўналтириши учун айни вақт, – деди CНН вакили Имрон Aҳмад. – Биз Ўзбекистон туризм соҳаси вакиллари билан музокаралар олиб бордик. Бугунга келиб,Тошкент ва Самарқанд каби шаҳарлардаги меҳмонхоналар хорижий сайёҳларни жалб қилишга тайёр. Марказий Осиё мамлакатлари орасида Ўзбекистон халқаро сайёҳлик учун энг яхши ривожланган туризм инфратузилмасига эга".
Кўргазма доирасида бир қатор учрашувлар бўлиб ўтди.
Қолаверса, Япония, Германия, Индонезия, Швейцария ва Россия компаниялари вакиллари билан ҳам учрашувлар ўтказилиши режалаштирилган.
Маълумот учун, “ITB Berlin” 1966-йилдан буён туризм бўйича дунёдаги етакчи савдо ярмаркаси ҳисобланади.
