Бугун "Billie Jean King Cup" мусобақаси "Asia/Oceania Group II" босқич ўйинлари доирасида Ўзбекистон терма жамоаси Гуам термасига қарши кортга чиқди.
"А" гуруҳидаги дастлабки учрашувда Оминахон Валиханова Сидней Паккбиерни 6:2, 6:0 ҳисобида мағлубиятга учратди, иккинчи ўйинда эса Оқгул Оманмурадова Фремонт Гибдонни 6:0, 6:0 ҳисобида таслим этди. Жамоаларнинг учинчи учрашувида Насиба Эсполова/Алия Мусабекова жуфтлиги Фремонт Гибсон/Сидней Паккбиер тандемидан 6:1, 6:3 ҳисобида устун келди. Шу тариқа, терма жамоамиз Гуам устидан 3:0 ҳисобидаги ишончли ғалаба эришди.
Эслатиб ўтамиз, жамоамиз эндиликда "А" гуруҳидаги қолган жамоалар – Шри-Ланка ва брунейлик рақибаларига қарши кортга чиқади. Ўзаро ўйинлар натижаси бўйича гуруҳда биринчи ўринни эгаллаган жамоа кейинги турга йўл олади.
Маълумот ўрнида айтиш лозимки, Душанбе шаҳрида кечаётган баҳсларда 8 жамоа 2 гуруҳга бўлинган ҳолда куч синашяпти. "Б" гуруҳидан Покистон, Туркманистон, Мўғулистон ва мезбон жамоа – Тожикистон ўрин олган. Баҳслар 27 августга қадар давом этади.