Аллаев Долли Ҳакимович — Ўзбекистон маҳаллалари уюшмаси раисининг ўринбосари этиб тайинланди.
Д.Аллаев 1965 йилда Қашқадарё вилояти Косон туманида туғилган. 1989 йилда Қарши давлат педагогика институтини тамомлаган. Маълумоти бўйича мутахассислиги – тарих ва жамиятшунослик фани ўқитувчиси.
Тайинловга қадар Ўзбекистон маҳаллалари уюшмасининг Қашқадарё вилоят бошқармаси бошлиғи лавозимида ишлаган.
Фозилов Ботиржон Олимжон ўғли — Ўзбекистон Республикаси Маданият вазирлиги ҳузуридаги Ўзбек миллий мақом санъати маркази матбуот хизмати раҳбари — Бош директорнинг ахборот сиёсати масалалари бўйича маслаҳатчиси лавозимига тайинланди.
Бахриддинов Зухриддин Бахриддин ўғли Наманган вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари – вилоят иқтисодиёт ва молия бош бошқармаси бошлиғи этиб тайинланди.
Джўраев Шуҳрат Хўжамбердиевич вилоят ҳокимининг қурилиш, тўсиқларсиз муҳит яратиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари вазифасини бажарувчиси этиб тайинланди.
