Қарорга мувофиқ, 2022 йил декабрь ойининг иккинчи ўн кунлигида Нукус шаҳрида Муса Тажетдинович Ерниязов таваллудининг 75 йиллигига бағишланган хотира кечаси ўтказилади.

Шунингдек, М Ерниязовнинг ҳаёти ва ижтимоий-сиёсий фаолияти ҳақида ҳужжатли фильм яратилади, ҳаёти ва фаолиятига бағишланган китоб-альбом чоп этилади. Нукус шаҳри “Жеке терек” маҳалласидаги М.Т. Ерниязов яшаган хонадонда ёдгорлик лавҳаси ўрнатилади.

Таниқли сиёсатшунос ва олимлар ҳамда нуронийлар иштирокида хотира тадбирлари, давра суҳбатлари ва учрашувлар ташкил этилади.