Юкларни қабул қилиш маросимида Қирғизистон Республикаси бош вазирининг ўринбосари Эльвира Сурабалдиева COVID-19га қарши кураш чоралари доирасида кўрсатилаётган ёрдам учун Ўзбекистон ҳукуматига миннатдорлик билдирди.
«Бу коронавирус инфекциясига қарши курашга қаратилган биринчи гуманитар ёрдам эмас. Шуни таъкидлашни истардимки, қийин дамда Ўзбекистон томонининг қўллаб-қувватлаши жуда ўз вақтида бўлмоқда ва бу мамлакатлар ўртасидаги чинакам қардошлик муносабатларининг далилидир», — деди Сурабалдиева.
Тиббий юк таркибидан ҳимоя кийимлари ва кўзойнаклари, бир мартали ишлатиладиган ниқоб ва қўлқоплар, дори воситалари, COVID-19ъни аниқлаш тестлари, шприцлар ва томизгичлар(капелница) ўрин олган.
Эслатиб ўтамиз, 2020 йил июль ойида ҳам Ўзбекистон Қирғизистонга умумий оғирлиги саккиз тонна бўлган гуманитар ёрдамнинг навбатдаги партиясини юборганди.
