Битимлар Ўзбекистон Республикаси Президенти Ш.М.Мирзиёевнинг Саудия Арабистони Подшоҳлигига давлат ташрифи доирасида имзоланди.
Битимлар икки давлат ўртасида ёқилғи-энергетика комплексидаги ҳамкорликни ривожлантириш платформасига айланиши кўзда тутилган. Хусусан, Ўзбекистонда яшил водород секторини ривожлантириш бўйича ўзаро ҳамкорлик, жумладан Саудия томони инвестициялари кўзда тутилган.
Биринчи ҳужжат – ACWA Power компанияси томонидан Қорақалпоғистон Республикасида қуввати 1,5 ГВт бўлган шамол электр станциясини қуриш тўғрисидаги битим. Ушбу лойиҳа нафақат минтақадаги, балки бутун дунёдаги энг йирик шамол станциясига айланади. Шамол станцияси қуввати 1,65 миллион хонадонни электр энергияси билан таъминлаш ва йилига 2,4 миллион тонна углерод чиқиндилари чиқишини олдини олиш имкониятига эга бўлиш режалаштирилган.
ACWA Power and Air Products компанияси билан Ўзбекистон Республикасида яшил водородни илмий-тадқиқот ва тажриба-конструкторлик ишларини ривожлантириш ва кейинчалик ишлаб чиқаришга йўналтирилган иккинчи Ҳамкорлик шартномаси имзоланди.
Шунингдек, Саудия томонининг Ўзбекистон Республикаси энергетика комплексига яқин 5 йилда 10 миллиард доллар сармоя киритиш ниятини билдирувчи ҳужжат имзоланди. Унинг доирасида қатор истиқболли йўналишларда лойиҳаларни амалга ошириш режалаштирилган. Улар орасида:
- қайта тикланадиган энергетика соҳасида ҳамкорликни давом эттириш - шамол ва қуёш энергиясига асосланган ишлаб чиқариш, шунингдек, электр энергиясини ишлаб чиқариш учун қуёш энергиясининг концентрланган лойиҳалари;
- табиий газдан ёқилғи сифатида фойдаланиладиган ишлаб чиқариш лойиҳалари, хусусан, газ турбиналари асосидаги эстродиол электр станциялари бўйича ҳамкорликни янада ривожлантириш;
- тармоқ барқарорлигини таъминлаш учун электр энергиясини сақлаш ва тўплашнинг энг замонавий технологияларидан фойдаланишга қаратилган лойиҳалар, гидроэлектр станциялари негизида сақлаш станциялари учун;
- энергетика соҳасида қўлланиладиган асбоб-ускуналар, эҳтиёт қисмлар ва хизматлар ишлаб чиқаришни маҳаллийлаштириш, кадрлар салоҳиятини ошириш ва қўшма илмий ишланмалар соҳасида ҳамкорлик.
Маълумот учун.
Бугунги кунга қадар Ўзбекистонда Саудия Арабистони ҳамкорлари, хусусан, Саудиянинг етакчи ишлаб чиқарувчиси, сармоядори ва электр станциялари оператори бўлган ACWA Power компанияси, шунингдек, бутун дунё бўйлаб сувни тузсизлантириш ва яшил водород заводлари билан ҳамкорликда қатор энергетика лойиҳалари амалга ошириляпти.
Шундай қилиб, ACWA Power компанияси Бухоро вилоятининг иккита туманида ҳар бири 500 мегаватт қувватга эга иккита шамол электр станциясини қуряпти. Шунингдек, Қорақалпоғистон Республикасининг Қораузак туманида 100 мегаватт қувватга эга шамол электр станцияси қуриляпти.
Айни пайтда Саудиянинг ушбу компанияси Сирдарё вилоятининг Ширин шаҳрида қуввати 1 500 мегаватт бўлган иссиқлик электр станциясини қуряпти ва уни 2023 йилнинг тўртинчи чорагида фойдаланишга топшириш режалаштирилган.
Ушбу 3 та шамол электр станцияси ва Сирдарёдаги иссиқлик электр станциясининг умумий қуввати 2 600 мегаваттни ташкил этади, деб хабар беради Энергетика вазирлиги матбуот хизмати.
