Ўқув давомида нафақат Озарбайжонда, балки хорижий мамлакатларда ҳам таниқли бўлган тиббиёт фанлари доктори Рашад Шолан ва унинг ҳамкасблари трансплантация соҳасидаги илғор билим ҳамда тажрибаларини ўзбекистонлик шифокорлар билан ўртоқлашдилар.
Ушбу курсларнинг муҳим жиҳати шундаки, Ўзбекистон вакиллари назарий билимлар билан бирга амалий тажриба ҳам орттиришди. Хусусан, вакилларимиз олтита буйрак трансплантацияси операциясида бевосита иштирок этишди.
Ўқув якунида Ўзбекистондан келган шифокор ва ҳамшираларга тегишли сертификатлар топширилди.