Навбатдаги музокаралар Москва давлат университети проректорлари Юрий Мазей ва Татьяна Кортава, етакчи олимлар Валентин Ненайденко ва Владимир Чуб билан бўлиб ўтди.

Учрашув давомида кимё бўйича Халқаро Менделеев олимпиадаси дирекцияси раҳбари Валентин Ненайденко ўзбекистонлик ўқувчиларнинг сўнгги пайтда кўрсатаётган натижаларини эътироф этиб, бунда алоҳида ўринни Тошкент педиатрия тиббиёт институти қошидаги академик лицейда шаклланган илмий мактаб эгаллашини қайд этди.

Музокаралар давомида кимё ва биология фанлари бўйича Ўзбекистон терма жамоасини жаҳон олимпиадаларига тайёрлаш жараёнига МДУ олимларини тренер сифатида жалб қилиш ҳамда икки давлат ёшлари иштирокида ҳамкорликда қўшма йиғинлар, ёзги таътил вақтида ўзбек ва рус ўқувчилари ўртасида "Онлайн олимпиада" ўтказилишига келишилди.