Давлат статистика қўмитаси маълумотларига кўра, 2020 йил якунларига кўра республика бўйича токсик ва нотоксик чиқиндилар ҳосил қиладиган ташкилотларда ҳосил бўлган жами чиқиндилар миқдори 125,6 миллион тоннани ташкил этган.
Ҳудудлар кесимида таҳлил қилинганда энг юқори улуш Навоий вилоятида экани маълум бўлган – 48,2 фоиз. Кейинги ўринлардан Тошкент вилояти (34,6 фоиз) ва Жиззах вилояти (9,1 фоиз) жой олди.
Токсик ва нотоксик чиқиндилар бўйича энг кам улуш Сирдарё вилоятида қайд этилди – 0,01 фоиз. Кейинги ўринлардан Қорақалпоғистон Республикаси (0,02 фоиз) ҳамда Фарғона вилояти (0,03 фоиз) жой олди.
