Маълумотларга кўра, 20—24 октябрь кунлари мамлакат бўйлаб ҳарорат кечалари +8...+13 даража, кундуз кунлари +23...+28 даража атрофида бўлади. Бу кўрсаткичлар ўртача иқлим меъёридан +4...+6 даражага юқори.
Тошкент шаҳрида ҳаво бироз булутли, вақти-вақти билан ўзгарувчан бўлади, ёғингарчилик кутилмайди. Шамол шарқдан 3−8 м/с тезликда эсади. Душанба кундузи ҳарорат +21…+23 даражани ташкил этади. Кейинги кунларда ҳарорат кечалари +10…+13 даража, кундуз кунлари +24…+28 даража атрофида бўлади.
