Марказий банк Бошқарувининг 2025 йил 24 октябрдаги қарорига кўра, “Tayyab Finance Mikromoliya Tashkiloti” акциядорлик жамиятига микромолия банки фаолиятини амалга ошириш учун расмий лицензия берилди.
Шу муносабат билан ташкилот фаолияти “TAYANCH” микромолия банкига айлантирилди. Ҳозирда тегишли давлат реестрларида зарур ўзгартишлар киритилмоқда.
Янги банк микромолия соҳасида аҳоли ва тадбиркорларга кенг қамровли молиявий хизматлар кўрсатишни мақсад қилган.
Марказий банк 14–18 ёшлилар банк карталарини мобил иловаларга бириктиришда учраётган биометрик идентификация муаммоларини бартараф этиш бўйича банк ва тўлов ташкилотларига қўшимча кўрсатмалар юборди.
2026 йил 1 январдан “Очиқ бюджет” порталида жисмоний шахслар томонидан тўланган солиқлар ҳисобидан амалга ошириладиган бюджет харажатлари маълумотларини ўзида акс эттирувчи “Жисмоний шахсларнинг солиқлари ҳисобидан харажатлар” модули ишга туширилади.
Иқтисодиёт ва молия вазирлиги 2026–2028 йилларга мўлжалланган бюджетнома лойиҳасини эълон қилди. Унга кўра, келгуси йилда солиқ тизимида бир қатор янгиликлар жорий этилиши, айрим акцизлар оширилиши ва тадбиркорлар учун енгилликлар берилиши белгиланмоқда.
Адлия вазирлиги “Ўзбекистон Республикаси ҳудудида банк карталарининг чиқарилиши ва муомалада бўлиши қоидалари тўғрисида"ги низомга ўзгартириш ва қўшимчалар киритиш ҳақида”ги буйруқни (рўйхат рақами: 3294-3, 11.11.2025 й.) давлат рўйхатидан ўтказди.
