Машҳур телебошловчи Константино делла Герардеска иштирокидаги ушбу кенг кўламли шоунинг янги мавсуми Яқин Шарқ ва Марказий Осиё мамлакатларидан Туркия, Иордания ва Бирлашган Aраб Aмирлиги қаторида Ўзбекистон ҳудудида ҳам бўлиб ўтиши режалаштирилган. Жумладан, "Pechino Express" (Пекинг Эхпресс) нинг буюк ҳукмдорлар Aмир Темур, Искандар Зулқарнайн, Чингизхоннинг тарихий изидан олиб борилиши режалаштирилган "янги саргузашт" сонида Ғарб ва Шарқни боғлаб турувчи сивилизациялар ҳақида маълумот берилади.
Шунингдек, шоунинг 10 иштирокчи – жуфтлиги нафақат географик, балки маданий синовлардан автомобил ёрдамида, туяларда, поезд ва қайиқларда ҳамда пиёда ўтиб, Буюк Ипак йўли бўйлаб қарийб минг километрлик йўлни босиб ўтади.
Сўнгра Қорақалпоғистоннинг Элликқалъа водийсидан ўтиб, эртакнамо Хивага, Қизилқум саҳролари орқали Бухорои Шарифга, кейинчалик Самарқанд шаҳрининг Регистон ва Шохи-Зинда мажмуасига ташриф буюришади. Саёҳат Тошкентнинг қадимий ҳамда замонавий қиёфасини намоён этиш билан якун топиб, ўз навбатида европалик телетомошабинларнинг ўзбек халқи тарихи, маданияти ва урф-одатларига бўлган қизиқишни орттиради.
"Pechino Express" (Пекинг Эхпресс) муаллифлари ҳамда уларнинг минтақавий ҳамкорлари бўлган “Tenti Group i Veres-Vert Ltd.” компаниялари томонидан мазкур лойиҳа Ўзбекистонда суратга олинаётган шоунинг сўнггиси эмаслиги қайд этилди.
“Eccholine BV i Banijay Italia” студиясининг 2022 Италиянинг йирик телеканалларидан бири Sky Italia” ва “NOW striming”” платформасида трансляция қилиниши режалаштирилган.
