Ушбу рейтингдан ўзбекистонлик уч нафар боксчи ўрин олганди. Янгиланган рейтингда иккинчи енгил вазн тоифасида (-55,3 килограмм) Муроджон Аҳмадалиев биринчи ўринда қайд этилган. М.Аҳмадалиев, шунингдек, WBA йўналиши чемпиони ҳисобланади.
Биринчи ярим ўрта вазн тоифасида (-63,5 килограмм) Шохжаҳон Эргашев олтинчи ўринни банд этган. Ушбу вазн тоифасида рейтингни жаҳон чемпиони Жош Тейлор бошқариб турибди.
Ярим ўрта вазн (-66,6 килограмм) тоифасида Қудратилло Абдуқаҳҳоров 1-поғонани сақлаб қолди. У мазкур вазн тоифасида чемпионлик камари учун асосий даъвогар ҳисобланади. Айни пайтда IBF камари Эррол Спенсга тегишли.