Лондон шаҳрида “Fitch Ratings” агентлиги ва “Ўзкимёсаноат” АЖ вакиллари ўртасида музокаралар бўлиб ўтди.
Натижада “Фитч Ратингс” рейтинг қўмитаси “Ўзкимёсаноат” АЖга халқаро кредит рейтингини бериш тўғрисида қарор қабул қилди. “Ўзкимёсаноат” АЖ юртимиз кимё саноати тарихида илк бор ББ- “Барқарор” халқаро кредит рейтингини qoʻlga kiritdi.
Қолаверса, Жамият ва халқаро агентлик ўртасида узоқ муддатли ҳамкорлик бўйича келишувлар имзоланди.
Маълумот учун: “Fitch Ratings” — дунёдаги энг йирик халқаро рейтинг агентликларидан бири бўлиб, у жаҳон кредит бозорларини мустақил ва истиқболли кредит баҳолашлари, тадқиқотлари ҳамда маълумотлари билан таъминлашга ихтисослаштирилган.
