Навоий бўлими олимлари ва “Sag Agro” МЧЖ лабораторияси ходимлари ўзаро билим ва тажриба алмашиш, шунингдек, қўшма лойиҳаларни, жумладан, халқаро лойиҳаларни амалга оширишда бир-бирига кўмаклашиш борасида сўз юритишди. Лаборатория томонидан илмий лойиҳаларни олиб боришда тажрибалар ўтказиш учун шароит яратиб бериш, бўлим томонидан эса ушбу лойиҳаларни илмий қўллаб-қувватлаш вазифаларини амалга оширишга келишиб олинди.
Бўлим қошида ташкил этилган “Қизилқум” илмий-тадқиқот тажриба станцияси” давлат унитар корхонаси балансидаги Нурота туманида жойлашган лалми ерларида павловния плантациясини ташкил этиш лойиҳаси истиқболли ҳисобланади. “Sag Agro” МЧЖнинг ин-витро лабораторияси билан меморандум имзоланиши ушбу лойиҳани амалга оширишни бир қадамга яқинлаштиради.