Музокаралар чоғида турли даражадаги ташрифларни ташкиллаштириш, вазирликлараро маслаҳатлашувларни ўтказиш, халқаро ташкилотлар доирасида томонларнинг бир-бирини қўллаб-қувватлаши орқали сиёсий мулоқотни фаоллаштириш муҳимлиги қайд этилди.

Тўқимачилик, фармацевтика, аграр ва сайёҳлик соҳаларида ҳамкорлик учун салмоқли салоҳият мавжудлиги қайд этилди.

Музокаралар якунида Ўзбекистон Республикаси Ташқи ишлар вазирлиги ва Португалия Республикаси Ташқи ишлар вазирлиги ўртасида сиёсий маслаҳатлашувлар тўғрисида англашув меморандуми имзоланди, деб хабар беради Ташқи ишлар вазирлиги матбуот хизмати.