Ушбу битим Энергетика вазирлиги ҳузуридаги Тармоқлараро энергияни тежаш жамғармаси ижрочи директори Элзод Рахманов ва АТ «Халқ банки» Бошқаруви раиси ўринбосари Дилшод Қутлиев томонидан имзоланди.
Келишув доирасида Банк Жамғарма маблағлари ҳисобидан аҳолига энергия тежамкор ва қайта тикланувчи энергия манбалари қурилмаларини сотиб олиш учун Марказий банкнинг асосий ставкасидан ошмаган ҳолда 5 йил муддатга яшил истеъмол кредитлари ажратиш режалаштирилган, деб хабар беради Энергетика вазирлиги матбуот хизмати.
Ушбу кредит маблағларини ажратиш орқали аҳолининг энергия ресурсларига тобора ошиб бораётган талабини қондиришга ва атроф муҳитга зарарли газлар ажралишини камайтиришга эришилади.
