Қарорга кўра, 2020 йил 1 июлдан бошлаб:
- Қорақалпоғистон Республикаси Вазирлар Кенгаши ва вилоятлар ҳокимликлари томонидан ер участкалари қурилиши режалаштирилган уй-жойлар бўйича қишлоқ хўжалигига мўлжалланган суғориладиган ерлар ва ўрмон фонди ерлари тоифасига кирмайдиган ҳамда аҳолини мажбурий кўчириш хавфи бўлмаган тақдирда ажратилади;
- туманлар (шаҳарлар) ҳокимликлари ҳузуридаги ер участкаларини бериш (реализация қилиш) масалаларини кўриб чиқувчи комиссиянинг таркибига Вазирлар Маҳккамаси ҳузуридаги “Ўзгидромед” марказининг ҳудудий бўлинмалари вакиллари киритилади ва уларнинг хулосаси олинади;
- Қорақалпоғистон Республикаси Вазирлар Кенгаши ва вилоятлар ҳокимликлари томонидан қишлоқ жойларда кўп квартирали уй-жойларни қуриш бўйича танлов савдоларида ғолиб бўлган тадбиркорлик субъектлари билан инвестиция шартномалари тузилади;
- кўп квартирали уй-жойларни қуриш бўйича ажратилган ер массивлари (участкалари) ва локал оқава сув тозалаш иншоотларининг атроф-муҳитга таъсир кўрсатиш хулосаси халқаро молия институтлари талабларидан келиб чиқиб тайёрланади ва Ўзбекистон Республикаси Экология ва атроф-муҳитни муҳофаза қилиш давлат қўмитасининг ҳудудий бошқармалари томонидан ҳар бир массив ва тозалаш иншоотлари бўйича давлат экологик экспертизаси хулосалари берилади;
- кўп квартирали уй-жойларни қуриш жараёнида халқаро молия институтлари талабларидан келиб чиқиб, атроф-муҳитни ҳимоя қилиш ва ижтимоий бошқарув тизими жорий этилади.
Мазкур қарор билан шунингдек, қишлоқ жойларда кўп квартирали уй-жойлар қурадиган тадбиркорлик субъектларини аниқлаш бўйича танловлар ўтказиш тартиби тўғрисидаги Низом ҳам тасдиқланди. Унга кўра, танловда иштирок этадиган талабгор ёки талабгор томонидан жалб этиладиган пудрат ташкилотига қуйидаги талаблар қўйилади:
- кўп квартирали уй-жойларни қуриш учун талаб этилаётган маблағарнинг (ўз маблағлари, тижорат банклардан олинган кредитлар ва қонун ҳужжатларида тақиқланмаган бошқа маблағлар) мавжудлиги;
- танлов савдоларига қўйилган объектларга ўхшаш объектларда иш тажрибасининг мавжудлиги;
- олдин ўз кучи билан бажарилган ишлар ҳажми тўғрисидаги маълумотлар;
- қурилишни амалга ошириш учун зарур бўлган моддий-техник база ва меҳнат ресурсларининг мавжудлиги.
Техник таклифларнинг барча талаблари “мувофиқ/мувофиқ эмас” тамойилига асосан баҳоланади.
