Ўзбекистон Республикаси Вазирлар Маҳкамасининг 2021 йил 11 мартдаги 44-сонли мажлис баёни билан тасдиқланган “Маҳаллаларда миллий қадриятларни мустаҳкамлаш ҳафталиги”ни ўтказиш Дастури доирасида, қизларни одоб-ахлоқ қоидалари руҳида тарбиялаш, уларнинг қобилиятларини рўёбга чиқариш, ҳунар ўргатиш каби эзгу ишларга муносиб ҳисса қўшиб келаётган фидоий, фаол хотин-қизларнинг ижобий тажрибаларини оммалаштириш мақсадида 4 май куни Бухоро шаҳрининг “Нодирдевонбеги” мадрасасида “Қизлар одоби тарғиботчиси” танловининг вилоят босқичи юқори савияда ташкил этилди.
Мазкур кўрик-танлов карантин талабларига мувофиқ барча эҳтиёт чоралари кўрилган ҳолда ташкил қилинди.
Кўрик-танловда ҳар бир ҳудуддан бир нафардан иштирокчи 2-шарт асосида беллашдилар.
Кўрик-танлов шартларига кўра натижаларига Когон шаҳаридан иштирок этган Қобилова Зарина фахрли 1-ўринни, Қоракўл туманидан иштирок этган Холбоева Гулзира 2-ўринни, 3-ўринни эса Ғиждувон туманидан иштирок этган Маъмурова Шахлолар эгаллашди.
Танлов ғолиблари тадбир ташкилотчилари томонидан диплом, фахрий ёрлиқ ҳамда “Маҳалла” фонди вилоят бўлими бошқаруви томонидан ажратилган қимматбаҳо совғалар билан тақдирландилар.
