Бош прокуратура ҳузуридаги Департаментнинг Қонликўл туман бўлими томонидан ўтказилган терговга қадар текширувда, "N.K." МЧЖ ва “Я.Б.И.” компанияси масъул шахслари олдиндан ўзаро тил бириктириб, “Дўстлик” МФЙ ҳудудида ободонлаштиришдаги қурилиш-таъмирлашда ҳужжатларга амалда бажарилмаган ишларни қўшиб ёзиш орқали 224,4 млн сўмни ўзлаштириш йўли билан талон-торож қилганликлари аниқланган
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.