Марказий сайлов комиссияси олти нафар номзодни рўйхатга олган. Булар - Президент Қосим Жомарт-Тоқаевдан ташқари, “Аманат” касаба уюшмалари ҳамдўстлигидан иқтисодчи Мейрам Кажикен, “Овул” партиясидан республика фермерлар ассоциацияси раҳбари Жигули Дайрабоев, мухолифатдаги умуммиллий ижтимоий-демократик партия вакили Нурлан Ауесбоев, “Қозоқ оналари – анъаналарга йўл” уюшмасидан номзод, ҳуқуқ ҳимоячиси Салтанат Турсинбекова ва профессионал ижтимоий соҳа ходимлари миллий альянси томонидан номзод, жамоат арбоби Каракат Абден.

Мамлакат бўйлаб жами 10 минг 101 сайлов участкаси ташкил этилган. Сайловчилар рўйхатига 11 миллион 950 минг 485 нафар фуқаро киритилган.

Қозоғистоннинг 53 мамлакатдаги ваколатхоналари ҳузурида 68 та сайлов участкасида овоз берилмоқда.