Бугун ижтимоий тармоқларда “Янги Ўзбекистон” газетасида эълон қилинган социология фанлари доктори, профессор Мансур Бекмуродовнинг “Ўзбекистон – учинчи ренессанс бўсағасида” номли мақоласининг сарлавҳасини фотошоп орқали “Ўзбекистон – учинчи ренессанс бўғағасида” деб сунъий равишда ўзгартириб тарқатиш ва кенг муҳокамага қўйишга интилиш кузатилмоқда.
“Янги Ўзбекистон” ва “Правда Востока” газеталари таҳририяти газетада бу каби хатога йўл қўйилмаганлигини маълум қилади. Ўз навбатида журналистлар, блогерлар ва ижтимоий тармоқ фойдаланувчиларини холисликка, бу каби асосланмаган ахборотларни тарқатмасликка чақиради.
Газетнинг қоғоз ва электрон вариантларини кўришни тавсия қиламиз.
