Шимолий Корея ҳарбий контингентининг жами йўқотишлари (қайтариладиган ва қайтарилмайдиган) 4700 нафарга баҳоланмоқда.
Бу маълумотлар, Reuters агентлиги хабарига кўра, Жанубий Корея парламенти аъзоларига разведка ходимлари томонидан эълон қилинган. Уларга кўра, ҳалок бўлганлар КХДР қўшинлари юборилган Курск вилоятида ёқиб юборилган.
Жанубий Корея разведкасининг қайд этишича, Россия томонидаги урушда олти ой давомида қатнашган Шимолий Корея армиясининг жанговар қобилияти сезиларли даражада ошган, хусусан, янги турдаги қуролларни, жумладан, дронларни ўзлаштирган.
Умуман олганда, Жанубий Корея расмийларига кўра, КХДР 15 мингга яқин одамни урушга жўнатган.
Шимолий Корея ҳарбийлари 2024 йил кузидан бери Россияда бўлиб, улар Курск вилоятидаги жангларда қатнашган.
Россия ва Шимолий Корея расмийлари узоқ вақт давомида Шимолий Корея контингенти Россия Федерациясига юборилганини расман тасдиқламади.
Апрель ойи охирида КХДР қўшинлар Ким Чен Ин буйруғи билан 2024 йил июнь ойида имзоланган ҳар томонлама стратегик шериклик тўғрисидаги икки томонлама шартнома доирасида Россия Федерациясига юборилганини маълум қилди. Владимир Путин, ўз навбатида, Ким Чен Инга Курск вилояти учун жангда КХДР иштирок этгани учун очиқчасига миннатдорчилик билдирди, деб хабар беради meduza.io.
