ТИВ Консуллик-ҳуқуқий департаменти шуни маълум қиладики, 2020 йил 19 сентябрда ҳамюртларимизни махсус поездга чиқариш чоғида йўловчилардан бири – 33 яшар Ўзбекистон фуқароси «Лихая» станцияси олд томонидаги майдонда ўзини ёмон ҳис қила бошлаган ва у тез тиббий ёрдам етиб келгунича вафот этган.
Мамлакатимизнинг Ростов-Дон шаҳридаги Бош консулхонаси берган маълумотга кўра, бу ватандошимиз палаткали лагерда яшамаган. Санкт-Петербург шаҳридан етиб келгач. У соғлиги ёмонлашгани сабабли 14 сентябрда Шахти шаҳри Марказий шаҳар шифохонасига ётқизилган ва шу ердан «Лихая» станциясига олиб борилган.
Фуқаронинг коронавирус билан касалланганлиги тасдиқланмаган.
Ташкилий ва консуллик-ҳуқуқий масалалар ҳал қилинганидан кейин марҳумнинг жасади чартер рейс орқали Ватанга юборилди, деб хабар беради Ташқи ишлар вазирлиги матбуот хизмати.