Президент Администрацияси раҳбари Саида Мирзиёева «Zakovat-Gambit» шахмат мусобақаси ғолибларини табриклади.
Таъкидланишича, бу йилги тўртинчи турнирда 2210 нафар шахматчи иштирок этди, шундан 286 нафари – аёл-қиз.
«Биз ғояларимизга ишончсизлик билдирилган даврдан то халқаро эътирофга эришиш ва шахматчиларимиз билан фахрланишгача бўлган йўлни биргаликда босиб ўтдик.
Мен айниқса қизларимизнинг ғалабаларидан бениҳоя хурсандман, шу ўринда барча қатнашчиларга омад, энг асосийси, ўзларига ишонишларини тилаб қоламан!» – дея ёзди Мирзиёева Telegram-каналида.
FIDE Жаҳон кубоги ярим финали олдидан Жавоҳир Синдоров ўз фикрларини билдирди. Унинг айтишича, икки нафар ўзбек шахматчисининг ярим финалга чиқиши мамлакатда шахматга берилган эътибор ва яратилган шарт-шароитларнинг самарасидир.
Ҳиндистоннинг Гоа шаҳрида ўтаётган 2025 йилги Шахмат бўйича Жаҳон кубоги мусобақасида Нодирбек Якуббоев ва Жавоҳир Синдоров ўз рақибларини мағлуб этиб, ярим финалга йўл олди.
