Шу муносабат билан қуйидагилар режалаштирилган:
- ички рейслар сонини ҳафтасига 7 тадан 20 тага ошириш. Бундай рейслар географиясини 4 тадан 5 тагача кенгайтириш;
- халқаро рейслар сонини ҳафтасига 25 тага етказиш, йўналишларни 4 тадан 8 тага ошириш;
- «Очиқ осмон» лойиҳаси доирасида 17 та халқаро йўналишга парвозларни амалга оширадиган саккизта хорижий авиакомпанияни ҳамкорликка жалб этиш.
Аввалроқ ҳаво бандаргоҳида узунлиги 3 105 метр ва эни 60 метр бўлган янги учиш-қўниш йўлаги, янги такси йўлаклари ва 24 самолёт тўхташ жойи учун перронни ўз ичига олган янги аэродром мажмуаси қурилиши якунлангани хабар қилинганди.
Шунингдек, аэродром мажмуасида замонавий энергия тежовчи ёритиш ускуналари ва қўниш тизими мавжуд.
Янги аэропорт терминали очиқ китоб шаклида қуриляпти. Унинг томида, айниқса, тунда қўнаётганда, ҳаводан таниб олинадиган баъзи юлдуз туркумлари билан порлаётган юлдуз харитаси бўлади.
